Trantsizio nutrizionala
Termino hau gaur egungo garaiei aplikatzen zaienean, erreferentzia egiten dio biztanleria batek hurbileko produktuez eta landare-jatorriko elikagaiez osatutako dieta batetik dieta globalizatuago, dibertsifikatuago eta haragi gehiagoko batera pasatzeko gertatzen den prozesu historikoari. Trantsizio horretan, ezinbestekoa da aldaketa sozioekonomiko bat gertatzea: beharrezkoa da nekazaritzaren eta garraio-sistemaren modernizazioa gertatu izana, eta erosteko ahalmenaren gorakada orokorra ere nahitaezkoa da.
Trantsizio horrek bi fase ditu: Lehenean, orokortu egiten da zerealen, pataten eta lekaleen kontsumoa; eta, bigarrenean, animalia-jatorriko elikagaiek lekua kentzen diete aurrekoei. Gure inguruan, lehen fasea XIX. mendeko azken hamarraldietan hasi zen, eta bigarrena, XX. mendeko lehen hamarraldietan.
Erreferentziak
