Heste laburraren sindromea
Klinikoki honela definitu da asaldu hori: malabsortzioa, diarrea, esteatorrea, fluidoen eta elektrolitoen nahastea, eta malnutrizioa.
Heste laburraren sindromea agertzen den kasu guztien ohiko etologia hau izaten da: heste laburraren segmentu handien galera funtzional edo anatomikoa, zeinak berekin ekartzen baitu xurgatze-gaitasuna galtzea. Hala, 200 cm heste mehar erabilgarri baino gutxiago uzten duen edozein patologia edo traumak edo heste meharraren % 50 edo gehiago galtzea eragiten duen edozeinek heste laburraren sindromea izateko arriskuan jartzen du pazientea.
Sindrome hau duten pazienteek nutrizio-ekarpen osagarria beharko dute nutrizio-egoera egokia izateko.
Gaur egun, kausa nagusiak hauek izaten dira, helduetan: Crohnen gaixotasuna, erradiazioaren ondoriozko enteritisa (hestearen hantura), istripu baskular mesenterikoak, istripu traumatikoak eta heste-buxadura errepikaria.
Hestearen erresekzio masibo batetik bizirik ateratzen diren pertsonei erabateko nutrizio parenterala eman behar izaten zaie hasieran, malnutrizioa prebenitzeko. Aldi berean, nutrizio enterala ematen zaie, heste-egokitzea areagotzeko. Paziente askotan, hesteen egokitzeak, osagarri dietetikoekin konbinaturik, aukera emango du nutrizio parenteral osoa erabili beharretik askatzeko.
Erreferentziak
