Bentzotiazola

Wikia-Elika(e)tik
Hona jo: nabigazioa, bilatu

Bentzotiazola edo bentzosulfonazola likido horixka da, likatsu xamarra eta usain berezikoa. Uretan disolbagarri xamarra da, eta oso erraz disolbatzen da etanol, dietil eter, karbono-sulfuro eta azetonan. C7H5NS formula kimikoa eta 95-16-9 CAS zenbakia dagozkio.

Bentzotiazola, batik bat, gomen ekoizpenean baliatzen da, bulkanizazio-erreakzioaren bizkortzaile gisa. Bestalde, korrosioa saihesteko, paperaren manufakturan biozida gisa eta larruak ontzeko ere erabiltzen da. Halaber, kimika-bitartekari gisa baliatzen da sintesi organikoan, eta elikagaien aromatizatzaile legez erabiltzea baimenduta dago (FEMA 3256 zk.).

Herritarrak bentzotiazol-kopuru txikiekiko esposizioa du; izan ere, berez agertzen da elikagaietan (papaia, zainzuriak, malta-whiskya) eta Maillard erreakzioa sortzen da txokolatea, kakahueteak, haragi errea, arto-krispetak eta kafea ekoizten direnean. Edari, izozki, ogi, haragi-produktu, zopa eta esnekietan elikgai-aromatizatzaile gisa ere erabiltzen da (FEMA 3256 zk.), 0,5 ppm-rainoko kontzentrazioetan.

Tresna pertsonalak
Izen-tarteak

Aldaerak
Ekintzak
Nabigazioa
Tresnak
Egiletza
Informazio gehiago