Kolon narritakorra
Heste narritakorraren sindromea, edo, besterik gabe, heste narritakorra asaldu funtzional gastrointestinal bat da, eta haren ezaugarriak dira abdomeneko minaren aldiroko agerraldiak, ondoeza eta heste-azturen asaldua. Gaixotasun honek populazioaren % 7-10i eragiten dio; ohikoagoa da emakumeen artean, eta prebalentzia handiagoa du 50 urtez beherakoetan.
Sindrome horren jatorri funtzionala heste-paretaren mikrohanturazko asaldu bat da. Tratamenduaren helburua sintomak arintzea da. Kasu batzuetan, bizi-ohiturak aldatzea ere baliagarria da. Esate baterako, ariketa fisikoa maiz egiteak eta lo-ohiturak hobetzeak lagundu dezakete antsietatea murrizten eta sintomak gutxitzen, eta elikadura aldatzeak ere lagundu dezake.
Erreferentziak
López VB, Llames. Diarrea aguda y crónica. Estreñimiento. Síndrome de intestino irritable. Enfermedad diverticular. En: En: Rodota LP, Castro ME. Nutrición Clínica y Dietoterapia. Ed. Médica Panamericana. Buenos Aires; 2012; pp. 443-450.
