Y neuropeptidoa
Y neuropeptidoa (NPY) garunean oso zabalduta dagoen neuromoduladore bat da, eta haren funtzio fisiologikoa da jokabidea erregulatzea (ugalketa-portaeraren inhibizioa), metabolismoa erregulatzea (jarduera sinpatikoaren inhibizioa) eta sistema endokrinoa erregulatzea (hipotalamo-hipofisi ardatzaren gaineko eragina).
NPYa hipotalamoaren mailan espresatzen da bereziki. Hala, NPYa agente hiperfagiko ezagunik ahaltsuena da; haren ekintzak uraren eta karbohidratoen ingestioa areagotzen du gehienbat, eta obesitatea eragiten du animalietan.
Gainera, gantza pilatzea bultzatzen du NPYak, eta gantz-ehun marroiaren bero-sorkuntza (termogenesia) murrizten du; hala, eragin nabarmena du energia-balantze orokorraren erregulazioan.
Erreferentziak
Rodríguez Rivera VM, Simón Magro E. Bases de la Alimentación Humana. Editorial Netbiblo. 2008, La Coruña.
