Pirosia

Azidotasun gastriko edo bihotzerre ere esaten zaio. Bularraldean, bularrezurraren atzean, sentitzen den erresumin-sentsazio bat da.

Janaria urdailean sartzen denean, hestegorriaren bukaeran dauden muskulu batzuek (beheko hestegorri-esfinterrak) itxi egiten dute urdailaren eta hestegorriaren arteko lotunea. Ondo ixten ez bada, urdaileko edukia hestegorrira itzul daiteke (errefluxua), hestegorria narrita dezake, eta bihotzerrea eta beste sintoma batzuk eragin ditzake.

Arrisku-faktoreen artean, hauek nabarmentzen dira: haurdunaldia, zenbait elikagai (txokolatea, janari minak, koipeak, espeziak…), alkohola eta medikamentu batzuk.

Erreferentziak

---

Pace F, Riegler G, de Leone A, Dominici P, Grossi E, Group TE. Gastroesophageal reflux disease management according to contemporary international guidelines: A translational study. World J Gastroenterol. 2011; 17(9):1160-6.

Wilson JF. In the clinic: gastroesophageal reflux disease. Ann Intern Med. 2008;149:ITC2-1-ITC2-15.