Pentosa fosfatoen bidea

Pentosa fosfatoen bidea da glukosaren bigarren mailako metabolismoaren bideetako bat. Bide horrek NADPHa sortzen du, zeina erabiltzen baita erreakzio biosintetikoetan —hala nola lipidoen, gantz-azidoen eta esteroideen sintesian—, eta erribosa-5-fosfatoa (nukleotidoen sintesiaren aitzindaria). Hala, helburu hauek ditu bide metaboliko horrek:

1. erredukzio-ahalmena lortzea NADPH gisa, lipidoen sintesirako;
2. pentosak lortzea, azido nukleikoen sintesirako
3. dietako eta organismoko bertako pentosen katabolismoa.

Erreferentziak

---

Nelson DL, Cox MM. Lehninger. Principios de Bioquímica. 5ª Ed. Ediciones Omega. 2007, Barcelona.