Novel Foods/ elikagai berriak
Jump to navigation
Jump to search
Europako Araudiak Elikagai Berritzat jotzen ditu gutxienez honako ezaugarri hauetako bat daukatenak:
- Transgenikoak dira edo genetikoki aldatutako mikroorganismoetan dute sorburua. Bestela esanda, aldatu egin da sorburu diren organismoen informazio genetikoa, ezaugarri onuragarriren bat lortze aldera.
- Aldez aurretik zeukatena ez bezalako egitura molekularra daukate.
- Mikroorganismo, alga edo onddoetatik datoz (ez tradizionalki elikagaiak egiteko erabiltzen direnen modukoak).
- Ohikoak ez diren metodoen bidez ugaldutako animalia edo landareetatik datoz.
- Euren osaeran edo egituran aldaketa garrantzitsuak eragiten dituzten produkzio-prozesu berrien bidez lortu dira. Aldaketa horiek eragiten diete elikagaien nutrizio-balioari, organismoaren asimilazio-ahalmenari edo dauzkaten substantzia kaltegarrien kopuruari.
