Nekazari-azokak
Espazio publikoak dira, nekazariek eta abeltzainek berek ekoitzitako elikagaiak kontsumitzaileari saltzeko tokiak. Azoka-egunak astean edo hilean behin izaten dira, salmenta-ordua amaitu ondoren desmuntatzen diren postuetan. Tokiko ekoizleak eta kontsumitzaileak elkartzeko leku bat da, eta merkaturatze-kanal laburren modalitate bat.
Elikagaiak horrela saltzeak ondorio garrantzitsuak ditu, hala sustatzen baitira landare-dibertsitatea, tokiko ohitura gastronomikoak, elikagai freskoen kontsumoa, energia aurreztea eta kontsumitzailea elikaduran heztea.
Askotan, kale-merkatuekin nahasten dira; halakoetan, saltzaileak bitartekariak dira, birsaltzaileak: elikagaiak handizkari bati erosten dizkiote Merca batean (handizkarien merkatua), gero azken kontsumitzaileari saltzeko.
Erreferentziak
Mauleón J.R. Mercados de agricultores en España: diagnóstico y propuesta de actuación