Hipogluzemia
Jump to navigation
Jump to search
Zirkulazioan dabilen odoleko glukosaren kontzentrazio anormalki baxua da; jotzen da hipogluzemia dagoela kontzentrazio hori 0,80 g/L-tik beherakoa denean. Glukosaren metabolismoaren desoreka baten ondorioz gertatzen da.
Kausa asko izan ditzake. Honela sailkatu daitezke:
- Hipogluzemia exogenoak: barau luzeegiak, intentsitate handiko ariketa fisikoak, edari alkoholdunen gehiegizko kontsumoak edo diabetesa tratatzeko erabiltzen diren medikamentuak, hala nola intsulina edo ahotiko hipogluzemiatzaileak, modu desegokian hartzeak eragin ditzakete.
- Hipogluzemia endogenoak: batez ere, desoreka metabolikoek eragindakoak izaten dira; adibidez, metabolismoaren sortzetiko asalduak (galaktosarekiko, fruktosarekiko edo leuzinarekiko intolerantzia, besteak beste) edo asaldu endokrinoak (intsulinomak, pankreako tumoreak, etab.)
Hipogluzemia moderatuaren sintoma nagusiak hauek dira: gosea sentitzea, nekea, epigastrioko mina, ikusmen lausoa, dardarak, izerdi hotza eta palpitazioak. Kasurik larrienetan, konbultsioak, konorte-galerak eta ondorio neurologikoak ere gertatzen dira.
Hipogluzemia tratatzeko, gerta daiteke nahikoa izatea elikagaiak hartzea, baina kasu larrietan glukosa zain barnetik eman behar izaten da batzuetan.
Erreferentziak
