Elikagai-laguntza
Elikagaiak dohaintzan ematea da (batzuetan, askoz merkeago eskaintzen dira), edo elikagaiak erosteko dirua ematea. Laguntza hori herrialde batek edo erakunde batek eman diezaioke elikagai-ziurgabetasuneko egoeran dagoen gizatalde bati.
Eskuarki, herrialde batek beste bati ematen dion laguntza izaten da, baina gerta daiteke, halaber, emaileak bere herrialdeko populazio-sektore batzuei ematea.
Laguntza ematea ez da elkartasun-jarduera desinteresatu bat izaten beti; batzuetan, estrategia komertzial bat izan daiteke emailearentzat (bere kanpo-merkatua handitzeko, trukean onurak lortzeko edo herrialde hartzailearen elikadura-autonomia ahultzeko).
Erreferentziak
K. Pérez de Armiño “Diccionario de Acción Humanitaria y Cooperación al Desarrollo”