Amagandiko edoskitzea

Amaren bularrean ekoizten den esneaz osatutako bularreko haurrentzako elikadura. Haurra elikatzeko modu bakarra izan liteke lehen hilabeteetan, eta beikostarekin osatzen da 4.-6. hilabetetik aurrera.

Amagandiko edoskitzeak hainbat abantaila ditu edoskitze artifizialaren aldean, hala nola:

• Abantaila nutrizionalak: Esnearen konposizioa aldatu egiten da edoskitzaroan, eta, hala, haurraren energia- eta nutrizio-beharretara eta haurraren ezaugarri fisiologikoetara egokitzen da.
• Abantaila immunologikoak: Defentsak ematen dizkio haurrari: immunoglobulinak, linfozitoak eta abar.
• Abantaila ekonomikoak: Doakoa da.
• Abantaila afektiboak: Ama-haurren arteko lotura emozionala sendotzen du. Bularra emateko unea atsegina eta pozgarria izaten da, bai amarentzat, bai haurrarentzat.
• Haurraren osasunerako abantailak: etorkizuneko gaixotasunetatik babesten du haurra (asma, alergia, obesitatea, diabetesa, kolitis ultzeraduna, Crohn-en gaixotasuna eta abar).
• Amaren osasunerako abantailak: etorkizuneko gaixotasunetatik babesten du ama (bularreko eta obarioko minbiziaren intzidentzia txikiagoa).

Erreferentziak

---

Alimentación infantil. M. Hernández Rodriguez. Editorial Díaz de Santos. 2001.

Lactancia materna. María Rosario Trinidad Ayela Pastor. editorial Club Universitario. 2009.